Robin was sitting on the side o' the West Lowmond, ae still gloomy night in September, when he saw a bridal o' corbie craws coming east the lift, just on the edge o' the gloaming. The moment that Robin saw them, he kenned, by their movements, that they were craws o' some ither warld than this; so he signed himself, and crap into the middle o' his bourock. The corbie craws came a' an' sat down round about him, an' they poukit their black sooty wings, an' spread them out to the breeze to cool; and Robin heard ae corbie speaking, an' another answering him; and the tane said to the tither: 'Where will the ravens find a prey the night?' - 'On the lean crazy souls o' Auchtermuchty.'

[James Hogg. The Private Memoirs and Confessions of a Justified Sinner. Ed. John Carey. OUP: 1999, p. 199]